سەنتەرێ پێداگۆجی ل زانكۆیا زاخۆ یاداشتنامەیەكا لێكتێگەهشتنێ لگەل قوتابخانا لایت یا ئینگلیزی یا نە حكومی ئیمزا كر.
ڕۆژا دووشەمبی ڕێــککــەڤتی١٥-٧-٢٠٢٤ ب ئامادەبوونا بەرێزان (د. جاسم محمد عبدو) هاریكارێ سەرۆكێ زانكۆیێ بۆ كاروبارێن زانستی و (د. نزار عصمت علي) ڕێڤەبەرێ پەیوەندیێن نیڤدەولەتی یێن زانكۆیا زاخۆ و (م. شلير مصطفى محمد) ڕێڤەبەرا سەنتەرێ پێداگۆجی ل زانكۆیا زاخۆ (م. ئەڤین سلام احمد) ڕێڤەبەرا قوتابخانا لایت یا ئینگلیزی یا نە حكومی یاداشتنامەیەكا لێكتێگەهشتنێ ئیمزاكرن.
هەژیە بێژین تەوەرێن ڤێ یاداشتنامێ تایبەتن ب بوارێن پێداگۆجی وەكو:
١. هەماهەنگی دناڤبەرا سەنتەرێ پێداگۆجی لگەل قوتابخانا لایت د ئەنجامدانا چاڵاكییێن زانستی.

٢. ئەنجامدانا ڤەكۆلینێن زانستی ژلایێ پشکدارێن خۆلێن پێداگۆجی ل قوتابخانا لایت.
٣. ڕەخساندنا دەرفەتێ بۆ مامۆستایێن قوتابخانا لایت، بۆ پشکداریکرن د چاڵاكی و وانەیێن پێداگۆجی ل زانكۆیا زاخۆ.
٤. مفا وەرگرتن ژ هولێن خواندنێ یێن هەردۆک ئالیان.
٥. قوتابخانا لایت دێ پێشەنگەیێ دەتە دەرچوویێن خۆلا پێداگۆجی یێن زانكۆیا زاخۆ بۆ ڕەخساندنا دەرفەتێن كاری ل قوتابخانا لایت.